Ek Soch (Hindi)

Google Images - www.handtales.com

Ek raah sochi thi
Ek baat sochi thi
Kahaaniyo ki parchayi mein
Ek sham sochi thi
Aur us soch mein hi kahi
Ek fariyaad sochi thi
 
Sapno ke pankh laga kar
Ek umeed bhari udaan sochi thi
Usi udaan se khsitij ko pane
Ki choti si baat sochi thi
Ek raah sochi thi
Ek baat sochi thi
 
Cycle ke pahiyo ko ghumakar
Kahi dur chale jane ki sochi thi
Paani mein chalang laga kar
Dub kar par ho jane ki sochi thi
Ek raah sochi thi
Ek baat sochi thi
 
Gufaon se ho kar
Rasta miljane ki sochi thi
Andhero se lad kar
Roshini mein jeene ki sochi thi
Ek raah sochi thi
Ek baat sochi thi
 
Jab jeene ki koi wajah na ho
To marne ki wajah sochi thi
Khud se hi ladte hue
Khud ko manane ki sochi thi
Bas soch ki soch mein hi rehkar
Yeh soch sochi thi
Ki ek raah sochi thi
Ki ek baat sochi thi
 
Aur us soch ko dil mein chupakar
Bas jeeye jaane ki sochi thi
Ek raah sochi thi
Ek baat sochi thi

 

*Photo Credits – Google Images – www.handtales.com

2 Responses to Ek Soch (Hindi)

  1. Vanika says:

    wooow swati…dis iz reallyy nice… :)

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Powered by WordPress | Designed by: search engine optimization company | Thanks to seo service, seo companies and internet marketing company