Sapno ka safar (part 1)

Sapno ka safar

Maldives ko kaise bhool sakti hai woh. Ek aisi jagah , jahan pe woh baar baar jaana chahegi. Yaad hai woh din, jab pehli baar use flight pakadni thi. Kitni excited thi woh.

Nayi nayi shaadi hui thi.  Kaun aisaa hai jo excited nahi hoga. Har kisi ladki  kaa haseen khwaab hotaa hai shaadi ke baad ghumne jana. Uska bhi tha. Aaj bahut khush thi woh. Pehli baar jab jahaaz me kadam rakha to uska chehra khil gaya. Dev harr ek shann bas usi ko niharta raha or uske chehre ki muskaan badhti rahi.

“Upar se to dharti kitni sunder dikhti hai “; bilkul dheemi si awaaz me vo boli. Kitni pyaari dikh rahi thi woh.

Woh lambe baal or badi gehri aankhein, makhmal se haath, pakade hi to tha woh uske haatho ko tab se.

“Haan woh dekho angel hum abhi badalo ke upar se guzrenge”

Sach mein kyaa nazara tha woh. Baadlon ke beech mein se jana. Un baadlon mein to kitne aakaar ban rahe the. Koi baadal kisi rath ki tarah dikh raha tha to koi pahad ki tarah. Koi kisi ki aankhein byaan kar raha tha to koi kisi ka ghar. Aisa lagtaa tha jaise poori dharti safed chaadar me lipti ho. Kitni door thi dharti fir bhi baadal uskaa ehsaas bakhoobi karwa rahe the.

Aaj to neend bhi nahi aa rahi thi angel ko.

Sapno ke raajkumar ke saath, sapno ke jahaaz mein baith, sapno ki nagri udh chali thi woh.

Srilanka mein stay tha. Jahaz jab land karne laga to aisa laga jaise kaano ne kaam karna hi band kar diya. Usne zor se dev ko pakad liyaa. Dev to khilkhilaa uthaa. Angel ko usne bahut pyaar se sehlaya or uskaa dhyan samne lagi screen pe daala, jahan pe bahar ka nazara dikh raha tha.

Srilankan airport pe 4 ghante bitane the. Dev usse duty free shops ki taraf le gaya. Usne yahan pe ek bahut hi alag sidiyaa dekhi. Pehli baar usne dekha ke sidiyaa khud chal rahi hain. Usne Dev ko zor deke wahan jaane ko kaha. Angel ki is bachkani baat pe use hassi aa gayi. Pehli baar jab usne paaon rakha to ek dam se darr gayi, bahut zor se usne pakad liyaa tha Dev ko.

Ek baar darri, fir baar-baar yahi karne lagi. Dev ne bhi to kitni picture nikali aise karte hue uski.

Ab Maldives jaane ki baari thi. Jahaaz tyaar thaa bas usme baithne bhar ki deri thi ke vo udh chalaa. Bahut hi naya tha sab kuch tha angel ke liye. Ye din, ye raat, suraj, chaand, sitaare, log sab kuch to naya tha.

Maldives ke to airport hi anootha tha. Dono taraf samundr ka nazara, beech mein jahaaz ne utaara tha.

Woh paani me chalne wale jahaz. Woh paani mein utarne wale hawai jahaz. Sab kuch to naya tha. Ship mein bhaith ke jab 30 minute kaa safar karke apne island pahunche, resort kaa naam bhi to kisi ne soch ke rakhaa tha “Paradise Resort”. Sach hi to tha.

Angel bahut khush thi aaj, bahut khush..

Room mein aayi to Room kaa number mila “143″. Kyaa itefaaq tha.

Kya ye sab itefaaq hi tha ke…uski khushion ki shruaat thi.

Apne un dookhon ko to vo jaise bhool hi gayi thi.

Dev ne bhi to bolaa tha “tum piche dekhna band kr do,mat socho,kuch mat socho, ab mein hu tumhare saath. Dekho dhero khushiaan tumara intzaar kar rahin hai”

Kya sach me yeh sab hone wala tha. kya sach mein woh sab dukh zindagi se jaa chuke the..ya fir yeh sirf ek chalaawa tha..

….to be continued

2 Responses to Sapno ka safar (part 1)

  1. Engrossing start to the journey Muskaan!

    Looking forward to follow it. Hope it ends on a equally beautiful note.

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Powered by WordPress | Designed by: search engine optimization company | Thanks to seo service, seo companies and internet marketing company