Sapno Ka Safar (part 2)

2980086448_1b3567269a

Aaj jab dev office gaya, pehli baar jaa raha tha office shaadi ke baad. Uske liye khana banana, ghar kaa kaam sab use bahut achaa lag raha thaa. Dev ko office ke liye bhej kar woh yaad karne lagi apnaa pichlaa waqt. “Mumma mujhe chocolate chahiye”, Angel boli apni totli awaaz mein. 2 saal ki hi to thi woh. Chotti si ankhein, pairon mein payal, haath mein kangan ghungroowale. Jahaan jaati wahan se chan chan awaaz aati.

Maa ne kaha jaa papa ko bol. Papa ke paas gayi, “papa mujhe chocolate chaihiye”. Papa manaa bhi to nahi karte the naa. Bahut pyaar thaa papa beti mein.  Itnaa pyaar, ki sab kehte the “papa ki chahiti,muh se niklaa nahi or saamne”. Daadi ko to achaa nahi lagtaa tha. Abhi 2 saal ki thi, uski payal ki jhankaar bhi daadi ko raas nahi aati thi. Woh kuch na kuch bahana kar ke usko daant deti thi. Woh bechaari papa ke aane ka intzaar karti.  Jab papa aate to unse chipak jaati. Daadi ko pota chahiye tha. Khandaan ka vaaris! Woh hi sab kahani maa or beti ko roz sunne ko milta tha. Kuch galat huaa nahi ke taane ki bauchaar.

Aaj jab angel ne papa ko bola to woh mnaa nahi kr paaye. Unko pataa tha daadi ki nafrat ke baare mein. Unhi ki vajah se to maa chup thi. Bahut pyaar thaa un dono mein.

Bahut zyada rush tha aaj. Sadako pe koi rally chal rahi thi uske papa aaj bahar nikle to angel boli, “jaldi aa na papa chocolate leke” “mujhe laadi karnaa,or slide lene bhi chalenge” . papa bole “ok” or bahut pyaar se papa ne angel ko hug kiya or kiss kar ke bole “bas abhi aayaa chocolate leke”.  

Jaise hi unhone motorcycle start kiya, ek billi  raasta kaat gayi.

Mummaa, “chod do, zaroori hai kyaa”. 
Papa, “mod tak hi to jaanaa hai, kya ho gaya, jao tum ander angel ko bhi le jao”. 
Mumma, “sadak to paar krni hai naa ,pata hai naa kitne dange ho rahe hai” (*1984 ke dange).
Papa “chalo ander abhi aataa hoon,baap hoon 2 rs ki farmaish hi to kr rahi hai”.

Aur woh chale gaye jaise hi sadak paar karne lage, saamne se zor se truck aataa dekh ek dam se ghabra gaye. Angel aur uski maa kaa chehraa saamne aa gaya,or truck ne unkaa motorcycle aur……………

Ghanti ki awaaz aayi. Usne jaakar darwaza khola to chocolates, candies  bhechne wala khada tha. Didi yeh bahut achi company ka naya maal aayaa hai, khaa ke dekhiye. Angel  bhaag ke ander chali gayi, aur takiye mein apna munh chupa liya.

to be continued…

3 Responses to Sapno Ka Safar (part 2)

  1. Well the journey that started with a flight to paradise island has run in flashback of loving father and his beautiful daughter!

    Whats’ next?

  2. Tytin Hunk says:

    ye story puri karni chaheye the waise ache hai.

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Powered by WordPress | Designed by: search engine optimization company | Thanks to seo service, seo companies and internet marketing company